點解小朋友曳曳成日尖叫?不同階段有不同原因

家長們對小朋友尖叫嘅場景一定唔會陌生。但你又知唔知道點解小朋友會尖叫?好多時小朋友尖叫係為咗傳遞某種訊息,有可能係表達需求,或者表達情緒。小朋友尖叫嘅原因會隨著不同年齡層嘅發展狀態而有所區別。


5個月~1歲半

呢個階段嘅小朋友語言表達能力十分薄弱,尖叫係佢表達需求嘅一種方式,亦都係測試發聲、學習嘅一種過程,透過尖叫,小朋友會發現自己原來可以發出咁樣嘅聲音。

1歲半~3歲

小朋友開始有語言表達能力,而且自我意識愈來愈明顯,會試著用語言和父母溝通、表達需求。當小朋友嘅需求被誤解、被拒絕,或者唔想遵從父母嘅意思但無法用語言表達時,就會用尖叫來表達抗議。另外,小朋友覺得自己受到冷落時都會用尖叫吸引大人注意。有啲小朋友會利用尖叫來爭取自己喜愛嘅物品,例如玩具或食物等。

3歲以上

3歲以上嘅小朋友語言表達能力已經發展得比較成熟,大部分可以用語言和父母溝通、表達需求。但當佢哋出現憤怒、挫折等情緒時,由於情緒比較難用語言表達,呢個時候佢哋仲係會用尖叫來反映自己嘅感受。此外,呢個階段嘅小朋友比較有主見,當佢哋唔想遵守大人規範時,都會用尖叫挑戰大人嘅權威。


資料來源:每日頭條

相關文章