BB要抱住先肯瞓,一放低就醒? 5招解決抱睡問題

好多媽媽都會遇到一個難題:bb要抱住瞓,一放落床就醒,咁點算好呢?

1. 營造一個有安全感的環境

用包被將bb包好,或者將bb放喺一個比較細小嘅空間,例如搖籃、bb車,儘量模擬bb喺媽媽肚入面嘅環境。

2. 睡覺時間儘量少抱

脹氣係一陣陣嘅,如果bb因為脹氣而喊醒,將佢抱起幫助排氣,之後儘量唔好抱著瞓。

3. 營造舒適睡眠環境

bb對溫度非常敏感,太凍或者太熱都會令bb煩躁易醒。無論咩季節,bb房間嘅溫度都應該維持喺攝氏24度左右,濕度40%~60%。平日保持室內空氣流通,唔好幫bb蓋太厚嘅被或者著太多衫瞓覺。

4. 睡眠環境不要太安靜

有啲父母因為擔心bb嘅睡眠被打擾,喺bb瞓覺嘅時候唔敢發出任何聲響,甚至要靠做手勢來溝通。咁樣會造成bb喺瞓覺時非常敏感,一有少少聲就會醒。其實,家長們唔需要太過小心翼翼,正常說話、走動係冇問題嘅。

5. 放bb落床嘅技巧

1) 放bb落床嘅次序:先放腳 → 小屁股 → 背部 → 頭部。

2) 然後抱bb嗰隻手唔好抽出來,用另一隻手固定好bb身體嘅一側同埋頭部,儘量令bb保持側睡,並且身體蜷曲着。

3) 仔細觀察bb,當bb呼吸保持平穩均勻時,就可以輕輕 抽出放喺bb頸下面嘅手。

4) 輕撫bb背部同埋身體,留喺床邊陪伴bb。確定bb已經安然入睡後先靜靜咁離開。

5) 如果放落床嘅過程中bb醒咗,就要輕輕拍佢背部安撫一下,唔得嘅話,就要抱起然後重複多幾次。


當然,要徹底解決一放落床就醒嘅問題,最好就係唔好抱到瞓著先放低,要令bb慢慢習慣喺床上入睡。


資料來源:每日頭條

相關文章