小朋友教極都唔聽話點算好?教導幼兒的7大原則

好多家長都經常犯同一個錯誤,就係用成人嘅方式同一個心智未成熟嘅幼兒講道理。然而,以一個大人嘅心智水平去思考,講出來嘅說話,小朋友好難接收到。

教導幼兒的7大原則

以下幾個原則,有助於減少幼兒發脾氣嘅機會,可以改善同小朋友嘅溝通。

1. 降低思維程度
家長必須用簡單嘅「幼兒語言」來同佢哋溝通,將成人思維同語言能力降低到幼兒嘅程度。

2. 不要對發緊脾氣嘅幼兒說「不」
講到呢度,好多媽媽都會覺得「痴線嘅咩」,但試想下,你發緊脾氣嘅時候,你老公同你講「唔可以,我唔認同」,你會有咩反應?你會立即變得心悅誠服還是會更加火滾?

3. 保持眼神交流
同幼兒說話嘅時候保持眼神交流,家姐可以踎低同小朋友面對面說話。

4. 教導小朋友表達負面情緒
發脾氣唔係一個正確嘅表達情緒方式,所以為家長應該鼓勵小朋友將自己嘅負面情緒用正確嘅方式表達出來,例如語言溝通或者繪畫。

5. 以身作則
如果你唔想小朋友大哭大鬧,咁家長自己都唔可以提高聲音來喝止佢嘅不當行為。

6. 堅守原則
如果你想小朋友食飯之前洗手,就要堅持每一次都要佢洗手,而唔係當小朋友哭鬧就放佢一馬「今次算啦,下不為例。」

7. 抽時間陪伴小朋友
想同小朋友好好咁溝通或者令小朋友尊敬你,除咗樹立榜樣同埋原則,家長更需要陪伴小朋友。例如一個一星期先現身一次嘅父親,喺冇同小朋友建立良好關係嘅前提下,即使父親做齊晒第1~6點都無法達到教導嘅效果。


資料來源:大紀元

相關文章