3歲都未識講嘢同智力有關?BB學習說話,父母的陪伴是關鍵

一般情況下,bb喺8個月大左右就識講類似爸爸媽媽嘅簡單詞語,2歲就已經講得出一啲簡單句子,可以透過語言表達自己嘅需求。儘管小朋友嘅說話聽起來有啲語無倫次,家長都會聽得明,影響唔到小朋友透過語言同父母溝通。

好多時小朋友語言發展遲緩並唔係智力問題,而係父母根本冇幫助佢哋學習說話。因此,父母喺小朋友日常生活中,應該多啲用語言同佢哋交流。


如何教小朋友說話?

1. 經常同bb說話

父母要不厭其煩,多啲同bb講嘢。同bb對話時,要用緩慢輕柔嘅語調,因為小朋友對聲音非常敏感,可以透過聲音嘅語調來判斷父母想表達嘅意思。

2. 語氣可以稍為誇張

父母同小朋友交流嘅時候,語氣可以稍為誇張一啲。如果父母用返平時說話嘅平淡語氣同bb講嘢,好容易會被佢哋過濾咗。因此,父母想引起bb注意嘅話,提高聲調同語氣將會係一個不錯嘅辦法。

3. 透過歌曲學習語言

父母可以喺網上下載各種各樣嘅兒歌,幫助小朋友學習語言。透過朗朗上口嘅歌曲,小朋友學習起來都會比較容易掌握。


資料來源:每日頭條

相關文章