母乳媽媽最怕唔夠奶!輕鬆上奶3大關鍵

1. 不拘泥於餵奶姿勢

早期為咗方便新手媽媽學習,護理人員會介紹常見餵奶姿勢,但每個媽媽嘅體型同埋習慣都唔同,特定嘅餵奶姿勢未必適合所有媽媽,只要 bb同埋媽媽都覺得舒服,而bb又能夠正確含乳,就係最完美嘅餵奶姿勢。


2. 不要懷疑自己奶水不足

每個媽媽都有哺乳嘅潛能,只要畀bb足夠機會吸吮乳房,乳房就可以製造足夠奶水供應畀bb,好多媽媽產後精神緊張,擔心唔夠奶水,越心急心情就越差,造成奶水受到抑制,導致媽媽誤以為自己泌乳方面出咗問題。事實上,初生嬰兒嘅奶量較少,只要媽媽願意勤餵奶,奶水量嘅供應就會逐漸穩定,達到供需平衡。

3. 不執著於睡眠被中斷

睡眠被中斷一直都係新手媽媽感到最辛苦嘅一環。為母則強,每個媽媽都擁有克服困難嘅能力,只要媽媽可以充分了解母乳對bb嘅好處,同埋學習瞓低餵奶嘅方式,半夜餵奶就唔係問題。此外,泌乳素能夠促使媽媽喺餵奶時感到放鬆,令媽媽餵奶後更容易入睡,可以得到充分休息。


資料來源:每日頭條

相關文章