BB要加固啦!點解要從「根莖類蔬菜」開始?幾大先可以食肉?

5個月以上嘅bb,如果冇嚴重過敏或者其他狀況,就可以開始加固,由流質食物逐漸進入半流質。

建議先由低敏嘅根莖類蔬菜開始,可以使用南瓜、薯仔、蕃薯同紅蘿蔔開始製作副食品,一次只進食一種,唔可以混合餵食,咁先可以確定bb對邊種食物過敏。如果連續餵食幾日都無異樣,就可以嘗試另一種食材。

有啲家長認為食肉比較有營養,一開始就餵食肉泥,其實副食品並非呢個階段嘅主要營養來源,bb嘅主食依然係奶,已經含有足夠嘅營養素。5個月大嘅bb腸胃尚未發展健全,副食品最好都係以蔬果為主,可以等到10個月大先嘗試肉泥。雞蛋亦都不宜太早餵食,10個月大嘅bb可以開始嘗試蛋黃。

要注意嘅係,嬰幼兒嘅解毒能力仲未發展完全,呢個階段嘅副食品切勿添加調味料,以免影響bb健康。


資料來源:早安健康

相關文章