冇一個媽媽係天生十項全能!致爸爸:照顧孩子是雙方的責任

懷孕期間,準媽媽同準爸爸雙方應該準備好同步迎接bb嘅來臨。首先,媽媽唔應該因為擔心爸爸唔識照顧bb而唔肯放手俾佢幫忙,同時爸爸都要了解,bb出世後,佢要負嘅責任同埋工作就更多,唔應該將換尿片、餵奶等每日例行公事交晒畀媽媽,當自己係局外人咁置身事外,應該主動幫忙分擔工作。


冇一個媽媽係天生十項全能,媽媽往往係為咗孩子而變得無所不能,每日不分晝夜24小時照顧bb,即使再能幹嘅人都會撐唔住。再加上剛出世嘅嬰兒會對主要照顧者產生各種形式嘅親密感同埋依附感,而呢種親子間嘅親密連結,會成為孩子人格中重要嘅一部分。

如果只係媽媽單方面照顧bb,久而久之,孩子可能因為同爸爸無法建立親密同依附嘅關係,進而對爸爸產生距離感。因此,爸爸應該同媽媽分工合作,例如,媽媽餵奶,爸爸就負責洗奶樽,媽媽掃風,爸爸就換尿片。如果媽媽包辦晒所有照顧bb嘅工作,咁爸爸就要幫忙做家務,咁樣媽媽先可以無後顧之憂咁照顧bb。


資料來源:PChome

相關文章