BB食物冰磚保存要訣 攤凍晒先放入雪櫃會令細菌滋生?

蔬果喺冷凍前必需經過攝氏75度以上嘅熱水或蒸氣處理,目的係要抑制食材入面嘅酵素,令細菌或者病毒暫時停止活動,仲可以延長蔬果保留原色原味嘅時間。等食材稍微冷卻(摸落暖暖哋即可)後再放入冰格冷凍,如果食材未冷卻就放入雪櫃,容易造成細菌滋生,但就唔需要等到食材完全冷卻先放入雪櫃,因為食物由熱變凍嘅過程中,亦都容易令細菌滋生。




副食品要保存喺密封或者真空狀態,先可以避免水分流失而變乾,建議爸爸媽媽將整好嘅副食品或食材放入密實袋後,儘量將袋入面嘅空氣擠出,或者用飲管將空氣吸出嚟,形成接近真空狀態。

建議一次過冷凍最多7天份量嘅食物冰磚,並寫上食材名稱與日期,就可以避免忘記食用而造成浪費。


資料來源:今天頭條

相關文章