餵人奶要戒口?向重口味說不?哺乳期飲食10大要訣

對於母乳媽媽來講,均衡飲食非常重要,除非媽媽或者bb對某啲食物敏感,一般情況下無須戒口。如果懷疑bb對你進食嘅食物有過敏反應,應諮詢醫生意見。

要注意嘅係,有啲bb會因為媽媽食得多濃味食物同埋容易產生體味嘅食物 (例如洋蔥、咖哩、辛辣類等) 而感到不適,如果出現呢種情況,媽媽就要避免進食呢類食物。

另外,母乳媽媽需要限制飲用含咖啡因嘅飲料,例如咖啡、濃茶或者某啲汽水等。媽媽可以考慮飲用無咖啡因嘅咖啡或茶,以免bb嘅中樞神經系統受到咖啡因刺激而難以入睡。

哺乳期飲食10大要訣

1. 食物要多樣化、須避免過量進食

2. 選擇全穀類嘅食物,多食蔬菜同水果

3. 略增加肉、魚、蛋類嘅分量,多啲選擇含奧米加-3脂肪酸較多而甲基汞(汞即水銀)含量低嘅魚類

4. 多食碘質豐富嘅海產,間中進食海帶;或服用含碘嘅多種維他命/礦物質補充劑,以攝取足夠碘質。

5. 注意攝取鈣質豐富嘅食物

6. 多飲水或清湯

7. 少飲咖啡、濃茶、含咖啡因飲品

8. 不吸煙、不喝含酒精飲品

9. 只應在註冊中醫師指導下,服用藥材補品。

10. 坐月期間要注意均衡飲食,食物要去膏去肥,湯要去油


資料來源:衛生處家庭健康服務

相關文章