藥唔可以亂餵!4大餵小朋友食藥錯誤觀念

1. 呃小朋友呢啲唔係藥,係糖

有啲家長餵小朋友食藥時,會呃小朋友:「呢啲係糖,甜架,好好食架。」令小朋友誤以為藥物係糖,小朋友可能趁家長唔為意,自己偷食藥物,造成誤食。

2. 將藥混入牛奶或者果汁

唔可以隨便將藥物混入牛奶、母乳或者果汁等,因為有可能產生化學作用,例如:牛奶嘅成分同某啲抗生素互相結合,會導致藥效變差。至於果汁,由於具有酸鹼性,不適合同藥物一齊飲用。此外,如果將藥物加在牛奶裡,小朋友可能會覺得牛奶有苦味,下次見到牛奶就會諗起食藥,甚至因為咁而厭奶。

3. 將未食完嘅藥留返下次食

有啲家長會將未食完嘅藥物留起,發現小朋友出現咳嗽、流鼻水等病徵就拎返出嚟畀佢食,但其實唔一定適合,因為每次感冒嘅症狀未必相同,上次適用嘅,今次又未必適合。另外,有啲藥物開封後應盡快服用完畢,否則容易變質。

4. 小朋友將藥嘔返出來,要再餵一次

如果小朋友食咗藥立即嘔返出來,而且係大量嘔吐,就需要再餵一次。如果餵藥後15~20分鐘先嘔吐,就唔需要補餵,以免藥物過量。

 

相關文章