BB發展遲緩 超過5成同照顧者有關

如果家長過度溺愛過度保護,反而會影響bb嘅正常發展。據統計,輕度發展遲緩嘅小朋友,超過5成係因為大人過度保護所致。

1. 成日抱,bb唔識抬頭

正常情況下,bb 3個月大就識抬頭,如果仲未識,除非係疾病問題,否則家長就要考慮係咪錯誤養育方式導致。例如家長成日抱bb,令佢冇機會鍛鍊頸部肌肉,或者過度餵食造成超重等都會令bb抬唔起頭。

2. 包得太密實,bb唔識抓握

只要天氣一轉涼,唔少家長怕bb冷親,都會將佢包得密密實實,連手仔都唔露出來,從而妨礙bb嘅手部學習抓握動作。

家長唔應該擔心玩具唔乾淨,覺得bb食手手係壞習慣,而去阻止佢探索世界,家長要做嘅係經常幫bb抹手,時刻保持佢雙手清潔。

3. 管得太嚴,bb唔識爬

好多家長擔心bb亂爬,會撞到邊邊角角而受傷,喺地上爬又怕污糟有細菌,喺床上爬又怕會跌落地下,於是乾脆唔學爬,直接畀bb學行。殊不知,咁樣會令bb冇力行唔穩,仲會出現偏內八字嘅現象。

4. 事事包辦,bb唔識講嘢

健康bb 8個月大就會牙牙學語,一歲半就講得出五個以上嘅常用詞語。但有啲家長習慣包辦bb嘅所有,佢未開口表達需求就已經急不及待滿足咗佢嘅需求,久而久之bb就唔需要用語言來表達自己,冇動機學講嘢。

 

資料來源:每日頭條

相關文章