家長有5個壞習慣,小朋友最易「有樣學樣」!

父母係小朋友嘅第一任老師,亦都係佢哋嘅模仿對象。想小朋友養成一個好習慣,可能需要花上一個月嘅時間,但染上一個壞習慣可能只需要幾分鐘。以下五個壞習慣最容易被小朋友模仿:

1. 掟嘢

同事嘅囝仔動不動就發脾氣,每次都會將屋企嘅物件掟到一地都係,點鬧佢都冇用,下次照樣掟。原來佢爸媽一嗌交就掟嘢,小朋友見得多自然有樣學樣,只會用掟嘢嘅方式來發泄情緒。

2. 講粗口

小朋友喺三歲左右,詞彙量會大量增加,而且會模仿周圍嘅人嘅常用語句,包括粗口。因為小朋友唔明白粗口嘅意思,只係覺得好玩,每次講粗口都可以引人注意,於是越講越起勁。

3. 捱夜

現代人好多都係「夜鬼」,日頭攰到不行,夜晚又唔肯瞓。家長係「夜鬼」,久而久之,小朋友都會習慣夜瞓。

4. 懶做運動

現今嘅小朋友體質越來越差,大多數都同缺少運動有關。有啲家長習慣宅在家中打機睇電視,令小朋友都懶得做運動。

5. 講大話

小朋友未識得分辨是非,如果家長經常講大話,咁喺小朋友眼中,講大話就會變成正確嘅行為,從而養成講大話嘅壞習慣。

 

資料來源:壹讀

相關文章