幾時同小朋友分床瞓?太遲分床瞓 恐影響正常心理發展

小朋友到咗某個年齡,就需要同父母分床分房瞓,既可以俾爸媽好好休息、增進感情,亦都可以培養小朋友嘅獨立能力同埋適應能力。

點解小朋友唔肯同爸媽分床瞓?

小朋友喺爸爸媽媽嘅關懷中長大已經成為習慣,對爸媽產生咗強烈依戀。如果瞓覺時爸媽唔喺身邊,小朋友會感到非常不安。

每個小朋友或多或少都會有啲恐懼感,例如怕電視嘅怪物,怕黑等等。小朋友同爸媽分床或者分房瞓就會覺得特別恐懼。

小朋友同爸爸媽媽一齊瞓,半夜醒來見到爸爸媽媽就唔會覺得孤獨,爸爸媽媽嘅安慰可以令佢哋好快再次入睡。冇爸爸媽媽喺身邊就會產生孤獨感。

應該幾時同小朋友分床瞓?

3歲以下嘅小朋友唔適合分床瞓,太早分床瞓只會適得其反,令小朋友冇安全感。

3-6歲嘅小朋友,已經開始有性別意識,如果呢個時候仲未分床睡,容易造成小朋友性早熟,影響正常心理發展,尤其係男仔。

點解一定要同小朋友分床睡?

好多小朋友唔敢一個人瞓,甚至到小學中高年級都仲要同爸媽一齊瞓。原因係小朋友嘅依賴性太強。對於小朋友而言,喺兩三歲發生嘅事對佢哋嘅大腦發育影響都非常大。透過「一個人睡」可以令小朋友喺各方面都變得獨立。

如何幫助小朋友順利分床瞓?

1. 同小朋友一齊布置房間,畀佢自己挑選床上用品、房間裝飾等。最好喺房間放一啲佢玩開嘅公仔或者玩具,令佢對新嘅睡眠環境有認同感。

2. 家長可以等小朋友瞓著咗先離開。小朋友初初開始自己瞓,難免會唔適應、覺得驚,媽媽可以講睡前故事畀小朋友聽,或者聽小朋友講下當日發生過嘅事。等小朋友瞓著咗,家長先離開。

 

資料來源:每日頭條

相關文章