10歲男孩打機冇手食麵,嫲嫲全程餵食「殘廢餐」!網民:過份溺愛會害咗佢

最近網上流傳一段短片,一位老人家喺度餵緊一個大約10歲嘅男孩食麵,而男孩全程拎住電話打機,枱上面仲放咗一份未食過嘅麵,估計係嫲嫲打算餵完孫仔之後再自己慢慢食。好多網民都認為呢位嫲嫲太過溺愛孫仔,會害咗佢。

有唔少家長都面對一個問題,就係父母管教小朋友嘅時候,老人家就會於心不忍,會出手維護小朋友,或者喺背後偷偷畀「好處」佢哋,久而久之,小朋友就會養成好多不良習慣,所以呢個問題一定要及時解決,家長可以參考以下方法:

1. 同老人家說明利害關係

父母需要解釋畀老人家聽,溺愛小朋友嘅利害關係,講嘅時候可以引用多啲例子,要從多個角度出發畀老人睇清楚事實,要令老人認同並配父母一齊去管教小朋友。

2. 管教小朋友嘅時候,唔可以畀老人家「護短」

如果小朋友犯錯必須要嚴厲懲罰嘅時候,儘量唔好當著老人家面管教,或者儘量唔畀老人家插嘴,否則小朋友會越嚟越唔聽父母話,認為爺爺嫲嫲先會幫自己。

3. 教育小朋友,全家人要同一陣線

小朋友會睇家長嘅反應來判斷自己有冇做錯,當被人讚賞就知道自己做得啱,而被懲罰時,就會記得下次唔敢再做,所以,當小朋友犯錯嘅時候一定要幫小朋友糾正錯誤,全家成員站喺同一陣線,千祈唔好父母一邊管教,長輩就喺另一邊「唱反調」。

 

資料來源:每日頭條

相關文章