BB一洗頭就爆喊?3招幫BB洗頭冇難度!

點解BB唔肯洗頭?

其實大部分BB都鍾意玩水,但點解咁抗拒洗頭呢?簡單來講就係兩個字:恐懼!但係點解呢?

1. 冇安全感

呢個係屬於人類本能自我保護。試諗下,無啦啦俾水淋,水又會流到眼耳口鼻,就算係大人都會唔鍾意。

2. 害怕洗頭水

幫小朋友洗頭時,家長唔小心將洗頭水整到入BB眼睛,或者洗頭過程洗頭水流入眼睛,令到眼睛受刺激;亦有可能係BB唔鍾意洗頭水嘅味道,所以產生恐懼。

3. BB唔舒服

可能係洗頭嘅姿勢令BB唔舒服,水溫過高或者過低等,家長需要細心觀察。

BB洗頭嘅時扭計點算好?

想BB合作就要消除佢哋對洗頭嘅恐懼感,之後再改變方法幫BB洗頭,例如:

1. 面帶笑容,放低聲線

先同BB拉近距離,再用溫柔嘅語調安撫情緒,消除佢哋嘅反感同畏懼。呢個方法比起大聲制止有用得多。當然呢種安靜只係暫時,之後BB有可能繼續扭計,呢個時候家長要面帶笑容,要有耐性同溫柔咁繼續同BB溝通。

2. 給BB足夠安全感

對於仲係處於哺乳期嘅BB,當BB不斷哭鬧,媽媽試吓餵BB食奶,因為媽媽嘅乳房對於BB來講係最有安全感。幫BB洗頭嘅時候盡量將BB身體靠近媽媽胸部,同媽媽嘅上身接觸。

3. 轉移注意力

洗頭過程中可以同BB傾計或者唱歌畀BB聽分散注意力。BB扭計就可以畀玩具佢玩,轉移注意力,令BB停止哭鬧,乖乖洗頭。

 

資料來源:壹讀

相關文章