小朋友食嘢鯁喉點算好?父母必學:哈姆立克急救法

哈姆立克急救法步驟

1. 一歲以下嬰兒。

一歲以下嬰兒萬一發生窒息,將BB面向下放喺手臂上,大人嘅手臂貼住BB前胸,大拇指同埋其他四隻手指分別放喺BB下頜骨位置。令一隻手放喺BB背上肩胛骨中間拍五次,之後觀察有冇吐出異物。

如果冇發現有異物。立刻將BB翻過來,頭衝下腳衝上,面對面放係大腿上。一手固定BB頭頸位置,一手伸出食指中指,快速壓迫BB胸廓中間位置,重複五次之後將BB翻過來重複上面方法。直至異物排出為止。

2. 一歲以上兒童以及成人

呢個方法適合月一歲以上兒童同埋成年人。

方法如下:施救者企喺被施救者身後,一隻手握拳,另一隻手捉住拳頭,抱着患者用力向上衝擊(即係將卡係患者喉嚨嘅異物頂出),呢個方法快速有效,值得所有父母收藏。

邊啲食物容易令小朋友窒息?

1. 堅果類

堅果類食物雖然營養豐富,但係畀小朋友食嘅時候一定要切細。

2. 零食類

零食類包括:啫喱、糖果。相對於堅果類來講,呢啲零食完全冇任何營養價值,食太多對小朋友身體唔好。偶然食少少都無妨,但要注意唔好俾佢哋一啖吞落肚。

3. 小型水果類

小型水果類包括:龍眼、荔枝、提子、車厘子等。畀長者同埋兒童食用嘅時候,一定要將佢切細,再將入面嘅果核取出。

 

資料來源:壹讀

相關文章