EQ比IQ更重要!小朋友3種表現 = EQ高

好多家長都非常重視兒童嘅情商發展,因為越嚟越多人明白高智商唔一定令小朋友生活順利,但係高EQ就可以令小朋友喺複雜嘅人際關係中成長,對佢哋未來事業有幫助。

其實小朋友EQ高唔高,喺小時候就可以睇得出。根據經驗,有以下呢三種表現嘅小朋友,EQ都好高!


1. 將讚美說話放喺嘴邊

如果你成日聽到子女對其他人講「姐姐你好靚」、「貓貓你好可愛」,咁樣就代表你嘅小朋友知道點樣欣賞其他人,呢個係高EQ嘅表現。

講好聽嘅說話聽起來好簡單,但做就好難。為咗確保你講嘅嘢唔會傷害別人,你應該企係其他人嘅角度去思考,考慮其他人嘅感受。

而讚揚就係再高一個境界,代表子女善於發現其他人嘅優點,令其他人覺得舒服,有助於拉近同其他人嘅距離,得到認同。


2. 有一顆感恩嘅心

有一顆感恩嘅心唔容易,呢種小朋友會將心比心,記住其他人嘅好,將來作出回報,所以佢哋會珍惜所有,亦都擁有良好人際關係。

一個識感恩嘅人平時成日會將「多謝」掛係嘴邊,覺得感激其他人係好正常嘅事。

例如叫外賣嘅時候,你可以話畀小朋友知外賣員嘅工作有幾辛苦;出街嘅時候,你可以引導子女注意道路嘅衛生都有賴清潔工人嘅努力,令佢哋知道一切得來不易,要經常感恩。

3. 能管理自己情緒

有啲小朋友對於微小嘅不快可以好快自我調節,甚至開解其他人走出陰影。識得控制自己情緒嘅人,係自己情緒嘅主宰者,可以掌握自己嘅生活,識得把握機會,取得更大成就。

 


資料來源:每日頭條

相關文章