鍾意講嘢嘅小朋友特別聰明?

隨著子女長大,小朋友會越嚟越多嘢講同鍾意問問題,家長可能會覺得煩厭。其實子女只係想同家長交流,鍾意講嘢嘅小朋友特別聰明,家長千祈唔好扼殺子女嘅語言天份。


鍾意講嘢嘅小朋友想像力豐富

小朋友講嘢經常會「九唔搭八」,令大人聽唔明。小朋友嘅說話可能睇起嚟冇邏輯,但其實大有文章,子女唔明白大人嘅諗法,而大人就需要去了解小朋友嘅內心世界。

小朋友講嘢嘅時候,大腦都會高速運轉。例如,佢哋喺動物園見到馬騮,佢哋就會聯想到孫悟空、香蕉,仲可能聯想埋豬八戒等等有關連嘅事物。所以,家長聽到子女胡言亂語嘅時候唔好唔理佢哋,應該仔細聆聽,順住子女嘅思路同佢傾計。


有說話技巧嘅小朋友有領導能力

如果一個人有說話技巧,喺同人交流嘅時候可以令對方有一種舒服感覺,對方會覺得你講嘅嘢有道理,並且信任你嘅為人。呢種說話技巧需要從小累積,家長平時講嘢嘅風格都會潛移默化影響小朋友。

想培養小朋友嘅說話技巧,就要令佢從小喜歡說話,當然需要一個漫長嘅學習過程。家長唔好刻意糾正小朋友嘅說話方式,就算語序唔啱、發音錯誤都唔好批評。另外,千祈唔好教小朋友講粗口,家長自己都唔可以講,因為小朋友可能會記喺心入面。


語言溝通可以提高閱讀能力

一般情況下,鍾意講嘢嘅小朋友都鍾意睇書。雖然睇書時會好安靜,但係大腦入面就會儲存豐富嘅語言詞彙。所以睇多啲書就可以對答如流、滔滔不絕。

 

資料來源:GreatDaily

相關文章