研究:媽媽學歷決定子女成績

最近有研究指出,對小朋友學業成績影響最大係媽媽,爸爸經常唔喺身邊反而可以提升子女成績!


日本研究:媽媽學歷影響孩子學習能力較深

根據「日本文部科學省」所進行嘅一項研究指出,小朋友嘅學業成績同媽媽嘅學歷有關,而同爸爸並冇太大關係。研究比較咗中三學生嘅數學正確答題率,結果發現父母兩人都係大學畢業嘅小朋友成績較好,當中以媽媽有大學學位嘅小朋友,答題率嘅提升更為顯著:

父親最高學歷為高中畢業生,正確答題率約為44.10%。
父親最高學歷為大學畢業生,正確答題率約為56.55%。
母親最高學歷為高中畢業生,正確答題率約為43.40%。
母親最高學歷為大學畢業生,正確答題率約為60.00%。

另外,有美國研究指出,小朋友嘅智力只會係遺傳自媽媽,記憶力、思考力、聲音、知覺等等認知機能都係靠媽媽遺傳;情緒、本能有關嘅部份就遺傳自爸爸。

日本文部科學省針對小六到中三學生進行學習能力相關研究,結果發現爸爸深夜先返屋企嘅小朋友學習能力較高;媽媽係家庭主婦嘅情況下小朋友學習能力亦都較高。另外,可以考入名校嘅小朋友當中,75%嘅媽媽都係家庭主婦。不過並唔代表爸爸對小朋友嘅學習能力冇貢獻,因為夜返嘅爸爸大多數都係高學歷、高收入,而呢一種爸爸通常都因為工作繁忙先經常夜返屋企。


階級複製並唔係絕對,閱讀、生活規律、培養好奇心都可以提升學習能力

父母學歷同收入並唔係決定成子女績嘅唯一因素。文部科學省嘅報告指出,日常生活有閱讀報紙同書本嘅習慣,而且生活有規律嘅小朋友學習力都比能較強。

所以家庭環境同小朋友嘅學業成績並無絕對因果關係,只要付出時間陪伴小朋友閱讀,唔一定要投入太多金錢都可以幫助小朋友提升學習能力。

 

資料來源:早安健康

相關文章