家長做這3件事,比打罵更可怕!

家長爭吵

相比起家長對子女又打又鬧,其實佢哋更加驚父母經常發生爭執。家長作為子女最親嘅人,代表着子女嘅安全感同倚靠。如果父母經常鬧交,就會令子女覺得冇安全感,變得孤僻,好難同其他人親近。喺吵吵鬧鬧嘅家庭氣氛下,好多小朋友都會受到感染,脾氣會變得暴躁,長大後喺生活上同埋工作上都會比較蝕底。


家長對子女缺乏關心

想子女從小養成好嘅性格,家長嘅關心同愛護係最重要。但係好多家長經常用工作忙做藉口,對小朋友疏於管教同關心,或者只係為子女提供金錢上嘅支持,覺得佢哋只要有錢,有得食有得着就可以,冇必要抽時間去陪佢哋。小朋友生活喺一個冇溫度冇溫暖嘅家庭,感受唔到家長嘅愛同關心,佢哋會變得冷漠、孤僻,冇朋友,或者性格變得極端,好容易行歪路。


家長長期冷戰,感情不和

除咗家長成日嗌交對子女嘅成長有不良影響之外,仲有一種形式會對子女影響好大。有啲家長已經冇感情,但係為咗畀小朋友一個完整嘅家庭,唯有勉強一齊生活落去。但係兩人嘅生活模式基本上係同床異夢,貌合神離,相對無言。家長以為堅持唔離婚就係為子女好。

其實小朋友往往比大人想像中成熟懂事。家長貌合神離嘅相處模式佢哋一早就已經知道。咁樣對子女來講就係一種道德綁架,家長犧牲自己嘅幸福去綁架子女嘅生活。其實喺咁樣嘅家庭長大,子女嘅生活都唔會幸福。

 

資料來源:每日頭條

相關文章