BB應該幾時戒尿片?遲遲唔戒尿片會有咩影響?

小朋友幾大需要戒尿片?

畀小朋友用尿片嘅原因,主要係因為BB仲細,未能自己控制排便,如果唔用尿片就會將衣服同床整污糟,因為尿布要清洗唔方便,所以好多媽媽都會比BB用尿片。

但係BB一日一日咁長大,佢哋對自己肌肉嘅控制力慢慢增強,包括括約肌嘅控制。所以BB到咗一至兩歲嘅時候,就可以開始控制自己大小便。呢個時候媽媽就需要對BB進行訓練。

建議BB喺一歲前,盡量使用尿片,咁樣BB就可以隨時隨地大小便,唔會造成心理負擔,亦可以瞓個好覺。

BB歲半後,媽媽可以嘗試畀BB日頭唔用尿片,訓練BB小便嘅時候去廁所或者便盤,夜晚就繼續用尿片,隨着小朋友控制排便能力增強,媽媽就可以慢慢去除夜間尿片 。

跟住呢種訓練方法,大部份BB喺三歲後就可以控制自己大小便,可以完全停用尿片。


長期使用尿片嘅影響

1. 影響BB健康

就算尿片用咩牌子都好,當中嘅成份都一定含有化學物質,雖然含量唔高,但係BB嘅皮膚好幼嫩,如果長期用落去就會對BB皮膚造成唔好嘅影響。

⒉ 影響BB排便能力

如果BB長期用尿片,就好難形成控制排便意識。亦會導致BB膀胱失去鍛鍊機會,到咗大個之後,就可能會出現夜晚尿床嘅現象。

⒊ 影響BB行路

因為尿片體積較大,玩嘅時候都唔方便。如果媽媽唔注意及時換尿片, BB長期着住濕嘅尿片就會唔舒服,影響BB行路嘅姿勢。

 

資料來源:壹讀

相關文章