冇時間陪小朋友?研究:每日同爸爸相處2小時或以上嘅小朋友智商較高

家長們想小朋友將來更優秀,就要付出更多嘅精力嚟陪佢哋,教育佢哋,令佢哋喺父母身上吸收最多嘅養分,令小朋友茁壯成長!


1. 太忙,冇時間?

成日都聽到好多家長會抱怨,好想陪小朋友但係「真係好忙,冇時間呀!」呢句說話成為咗好多家長嘅擋箭牌。但係口口聲聲話自己好忙嘅家長,問心你哋係咪真係咁忙,仲忙過美國總統呢?

奧巴馬會帶女兒去書店買書,仲會每晚臨瞓前抽時間陪佢睇書。奧巴馬仲好驕傲咁話:「我唔會呢一世都做總統,但我呢一世都要做一位好爸爸。」

所以,家長仲可以若無其事咁用「我好忙,冇時間!」嚟逃避自己嘅責任嗎?


2. 用心陪伴係對小朋友最好嘅教育

好多家長都知道要對小朋友好,佢哋都會洗好多錢去滿足小朋友物質上嘅需求,但就忽視咗用心陪伴先係對小朋友最好嘅教育!

每個小朋友都希望得到父母關注,因為父母嘅關注會令佢地覺得滿足同埋充滿安全感!世界衛生組織一項研究顯示:每日可以同爸爸相處兩個鐘或以上嘅小朋友智商會較高。


3. 時間就好似海綿嘅水,擠吓就有

其實優質陪伴唔複雜,我哋可以擠啲時間出嚟進行充滿愛嘅親子閱讀、高品質嘅親子互動,或者溫馨嘅親子烘焙等等。

家長可以喺每日午飯時間問候小朋友嘅情況,亦可以同小朋友分享一下自己嘅事,每晚陪小朋友睇卡通片或者做功課。就算你喺另一邊安靜睇書,小朋友都會覺得好安心;臨瞓前,去小朋友間房同佢傾吓計;每個星期搵一日半日時間全程陪小朋友,帶佢出去睇多啲外面嘅世界。


所以,家長們仲可以話自己冇時間嗎?同小朋友一齊成長唔係一件幸福嘅事咩?

 

資料來源:壹讀

相關文章