睡前聽爸爸講故事,小朋友更聰明!

瞓覺前如果小朋友使用電子產品,會令佢哋嘅腦部持續興奮 ,放鬆唔到精神,瞓唔到覺。如果想小朋友瞓覺前內心安靜落嚟,家長同小朋友都要放低電子產品,陪小朋友睡前閱讀。

睡前閱讀係一種習慣,亦都係小朋友大腦發展、思維形成嘅過程。閱讀唔單止係一個學習嘅過程,仲可以俾小朋友認識呢個世界。

美國哈佛大學嘅一項新研究發現,爸爸喺小朋友兩歲前開始講睡前故事畀小朋友聽,小朋友會獲益良多。媽媽講故事通常傾向於陳述事實,爸爸就比較天馬行空,可以引起小朋友嘅興趣同思考。小朋友臨瞓前嘅想像力特別強,呢個時候籍著講故事去帶小朋友見識一下多姿多彩嘅世界,效果會事半功倍。

睡眠對小朋友嚟講係一個重要嘅發育過程,建立良好嘅睡眠模式,唔單止可以準時瞓教仲可以提高睡眠質素,幫助小朋友建立良好嘅生活規律。

現代社會節奏急速,家長陪伴小朋友嘅時間越嚟越少。每日用一小時將自己交畀小朋友,小朋友都會交個心畀父母,都係一種親子關係嘅昇華。

千萬唔好俾小朋友喺傷心嘅情況下瞓覺,咁樣會對小朋友造成好大嘅傷害。換個方式,將睡前嘅時光變成珍貴嘅親子時光。

 

資料來源:GreatDaily

相關文章