【有咗第二胎之後,千祈唔好忽略大B】

隨著細B嘅來臨,父母再一次迎接新生命嘅喜悅,需要放較多嘅精神喺細B身上,相對放喺大B身上嘅時間同埋關注度會減少咗好多。因為細B嘅出現,大B會變得比以前更加反叛調皮,冇咁黐父母。喺呢個時候,作為父母千祈唔好忽略大B嘅心情。到底點樣可以令到大B欣然接受細B嘅來臨呢?


1. 生細B之前多啲問大B意見

父母準備生第二胎之前,一定要將準備再生小朋友嘅計劃話畀大B知,問大B可唔可以接受爸爸媽媽生多個細佬或者細妹。

2. 有咗第二胎之後,畀大B同細B多啲交流

喺媽媽懷孕期間,可以畀大B摸吓媽媽個肚,同肚裏面嘅細佬或者細妹講嘢,令大寶可以參與其中,同時佢哋亦都可以感受到做哥哥或者姐姐嘅自豪感。

3. 生咗細B之後,切忌忽略大B嘅情緒

生細B之前,父母嘅愛係原原全全畀哂大寶。當細B出世之後,大寶嘅心理會有好大嘅轉變,因為父母對自己嘅愛俾人分薄咗,大B會用叛逆行為嚟引父母嘅注意。所以,大B可能會因為咁而發脾氣,父母要盡快處理大B嘅情緒,唔好一味責罵。

4. 抽時間陪大B

喺照顧細B嘅時候,父母都要抽時間同大B獨處。可以陪大B傾計、講故事、玩遊戲等等。另外,可以俾大B參與照顧細B,例如:俾大寶幫忙遞尿片或者其他佢哋能力可以做到嘅嘢,父母要喺佢哋做得好嘅時候給予讚賞或者鼓勵。咁樣大B就會慢慢明白,爸爸媽媽對佢哋嘅愛唔會因為細B而減少。

生咗第二胎之後,父母唔好因為細B嘅加入而忽略大B嘅感受。父母要令大B明白,爸爸媽媽對自己小朋友嘅愛係一樣。

 

資料來源:尋夢新聞

相關文章