【英國研究:BB喊超過30分鐘可傷腦】

面對寶寶大喊,你會點做呢?由得佢喊,定係即刻去氹佢?其實呢兩種方法都唔正確,兒童心理專家經過多年研究發現,適當嘅哭喊係對寶寶身體有益,但係超過30分鐘就會出問題。


寶寶哭喊嘅好處

1. 鍛煉肌肉
寶寶喊緊嘅時候,通常佢哋會合實雙眼,亂咁動手動腳,呢個係一種好好嘅運動,可以鍛煉佢哋手腳嘅肌肉。

2. 加強心肺功能
寶寶大聲咁喊,可以令肺部擴張,加大肺活量,令到心肺功能更加強健。

3. 加快新陳代謝
寶寶喊緊嘅時候,佢哋嘅手腳會不停咁擺動,令到肺部吸入更多嘅空氣,加快全身嘅血液循環,提高新陳代謝速度,幫助寶寶發育。


寶寶哭喊超過30分鐘會傷腦

根據英國育兒專家Dr Penelope Leach嘅研究指出:當寶寶喊超過30分鐘嘅時候,大腦會受到損害。

1. 腦部缺氧
長時間嚎哭會令到腦部得唔到足夠嘅血液供應,導致腦部嘅含氧量降低,影響寶寶嘅大腦發育,嚴重嘅話甚至會引起認知障礙。

2. 腦細胞死亡
寶寶喊緊嘅時候,負面情緒會令到腦部嘅壓力提升,如果腦部長時間處於高壓力狀態,會造成細胞死亡,仲會增加寶寶患神經官能症(例如焦慮症、強迫症、神經衰弱、恐怖症等)同埋情緒紊亂嘅機會。

除此之外,寶寶長時間嚎哭而得唔到安撫,會增加佢哋壓抑同失望嘅情緒,會影響到佢哋嘅心理健康發展。

 

資料來源:iFuun

相關文章