【教小朋友無須大聲】「低聲教育」比破口大罵更有效!

低聲教育有科學根據

心理學家嘅一項研究發現,用唔同嘅聲調去處理同一件事情會有唔同嘅效果,而大人批評小朋友時用低聲調,小朋友會更容易接受。

1) 低聲調可以令人理智、情緒平和,有利於溝通。

2) 低聲批評小朋友,可以集中對方嘅聽力,仲可以先發制人,防止小朋友用高聲調回應。如果家長用高聲調責罵小朋友,小朋友會用同樣嘅聲調反抗,雙方嘅情緒會越來越激動,最後只會搞到家長一肚氣,小朋友亦都唔服氣。

3) 家長嘅言行對小朋友影響最大,遇到不如意事就表現得暴躁,唔冷靜,破口大罵嘅父母,肯定對小朋友性格有潛移默化嘅作用。

低聲教育技巧

1) 運用正確的語氣和措詞
父母批評小朋友時,運用恰當嘅語氣同措詞,效果會好好多,所以家長們說話前請三思。例如「媽咪好錫你,但你呢種行為我真係冇辦法接受」,總會比「你個死仔包,你再咁曳我就打死你!」順耳得多。

2) 把你的要求解釋清楚給小朋友聽
例如帶小朋友行超市,同小朋友講唔可以亂郁店內嘅貨品,如果違反咗,後果將會係點。家長只要從頭到尾貫徹到底就可以,無需大聲威脅。

3) 不要使用傷害小朋友自尊心的言語
家長唔應該將自己嘅情緒發泄喺小朋友身上,唔好講傷害小朋友自尊心嘅說話。


資料來源:雪花新聞

 

相關文章