【小朋友成長發育「黃金8年」】家長千萬不要錯過!

【小朋友成長發育「黃金8年」】家長千萬不要錯過!

每一個階段嘅寶寶都有自己嘅發育特點。兒童發展心理學嘅研究者指出,小朋友成長嘅不同階段中,喺動作、語言、社會行為同情緒發展各方面嘅表現同特點,係完全可以準確預測到。


1歲:充分的安全感

1歲嘅寶寶特別需要有人喺佢身邊,關心佢,陪佢玩,令寶寶有安全感。有安全感嘅小朋友往往長大後更容易融入社會。


2歲:幽默感

有幽默感嘅人都比較受歡迎,2歲寶寶開始意識到其他人嘅存在,佢會同人交流,遇到有趣嘅事佢會識得笑。呢個時候爸媽可以發揮搞笑本色,多啲喺小朋友面前做出滑稽動作,培養小朋友嘅幽默感。


3歲:創意

幼兒嘅創意大約3歲開始萌芽,好奇心同活潑好動嘅特質係創意嘅源泉,而汲取各種自然事物有利於寶寶發展創意,爸媽可以多啲帶寶寶接觸大自然,令佢哋嘅潛能得到最大發揮。


4歲:語言表達能力

4歲寶寶開始進入「語言敏感期」,佢會突然好多嘢講,成日問問題。爸媽唔應該嘲笑小朋友語言上嘅錯誤,同寶寶交流時要有耐性,一旦小朋友受到打擊,會對佢哋造成好大影響。


5歲:親子關係最融洽

寶寶到咗5歲,可以控制自己嘅行為,明白咩係量力而為。呢個階段嘅小朋友特別依賴媽媽,媽媽就係佢整個世界嘅中心,來自媽媽嘅讚揚同肯定,對佢嚟講係非常重要。


6歲:內心矛盾最突出

6歲時,寶寶世界嘅中心由媽媽變成佢自己,佢會覺得自己已經獨立,好多事情都喺佢控制範圍之內,但仍然要依賴媽媽,令佢非常矛盾。當寶寶同媽媽出現矛盾時,爸爸就需要及時出嚟幫忙。


7歲:抽象思維

小朋友開始發展抽象思維,佢可以見到物體之間嘅相同之處,同時亦可以睇得出佢哋嘅不同之處,認知能力不斷提升。


8歲:熱衷思考、思維活躍

8歲小朋友嘅思維同語言會得到全面發展,判斷能力增強,可以運用簡單邏輯得出結論,同埋做簡單推理。另外,呢個階段嘅小朋友唔再沉迷童話,分得清幻想同現實。


資料來源:iFuun

相關文章