【「乖孩子」的內心世界你懂嗎?】

生活中,大人經常會讚小朋友「聽話」、「懂事」,「乖孩子」,然而有幾多父母知道,所謂嘅「乖孩子」絕對唔係判斷一個小朋友好與壞嘅標準。透過威迫或者利誘嘅方式令小朋友聽話唔扭計,只會令佢哋喪失獨立思考能力。更嚴重嘅係,如果小朋友被教育成一個人見人讚嘅「乖孩子」,而令到佢嘅個性受到壓抑,父母反而要多加注意。

相信大家都認識一啲小時候調皮百厭嘅同伴,長大後往往會有更大成就,而好多小時候嘅典型乖孩子,長大後依然乖,但無論喺事業上還是家庭上都會遇到挫折,甚至會患上抑鬱症、焦慮症。呢種「好人」善於「睇人眉頭眼額」,討好其他人,結果只會承受好多不必要嘅壓力。


小朋友嘅成長就好似一棵樹,自然生長會枝繁茂盛,而用欄柵圍起來雖然外形會符合期望,但會壓抑住好多自然成長嘅動力而造成內傷。小朋友將來喺工作同生活中嘅表現,取決於佢嘅思維模式以及應對問題嘅方式,所以「乖孩子」長大後容易遇到種種問題。另外,有啲小朋友表面乖,其實內心非常反叛,到咗一個父母都無法控制嘅地步,就會爆發出來。


父母教育子女時,要意識到每個小朋友都係獨立個體,應該尊重小朋友並給予發展空間,令佢哋可以發揮潛能,發現自我,感受幸福,創造自我價值。教育小朋友時應該注意以下幾點:

1) 不要太過干涉小朋友嘅想法、需求、意願,可以嘅話應該儘量配合;

2) 要給予愛、鼓勵同支持,而唔係威脅、控制、懷疑或者批判;

3) 唔好強迫小朋友認同自己嘅想法;

4) 鼓勵小朋友勇敢表達需求。


父母要記住,教育一個乖孩子嘅初衷係希望小朋友成為一個有教養,有禮貌,有自信嘅人,而唔係為咗要令到小朋友喪失自我,變得逆來順受。

 

資料來源:每日頭條

相關文章