【小朋友「駁嘴」竟然係好事?】

小朋友「駁嘴」竟然係好事?

點解小朋友會越來越唔聽話?好多爸媽都會覺得好困惑,以前好乖好聽話嘅寶寶去咗邊度?面對小朋友嘅諸多「反抗」同「頂撞」,爸媽們應該保持冷靜,停一停,諗一諗:到底點解小朋友會「駁嘴」。

小朋友有了獨立思想

其實,小朋友頂嘴係正常嘅成長表現,呢個行為證明佢開始擁有獨立思想,對事物有自己嘅見解。經常「駁嘴」嘅小朋友只係希望可以自己「揸主意」。呢個時候,父母就唔好再包辦晒小朋友嘅一切,而係要採取「商量」嘅方式,先了解小朋友嘅想法,將佢當成一個獨立個體咁看待。

小朋友「駁嘴」竟然是好事?

父母同子女嘅情感交流從傾聽開始,尤其係小朋友頂嘴嘅時候,都會將心入面嘅真實想法講出嚟,呢個除咗係父母了解小朋友嘅最好時機,仲有以下兩個好處。

刺激小朋友智商的發展
爭執可以幫助兒童變得自信同獨立,佢哋開始注意到,父母都唔一定係正確。小朋友「駁嘴」時,需要根據自己嘅感受,用學到嘅語言去挑戰父母,有助提升小朋友辯論嘅邏輯技巧,對於日後形成思維都有好處。

小朋友不易學壞
小朋友有主見就冇咁容易染上不良習性,因為小朋友對自己嘅意見有自信心,識得「企硬」,就有能力抵擋各種誘惑。而一味順從父母意見嘅小朋友,不善於表達自己嘅觀點,亦都唔敢拒絕朋友嘅誘惑。


資料來源:Q博士

相關文章