【小朋友耳仔入水應該點清理?】

小朋友耳仔入水應該點清理?

小朋友沖涼時最鍾意玩水,耳仔入水一啲都唔出奇。好多媽媽都會用棉花棒幫小朋友吸返啲水出來,但呢個方法其實係唔正確!

為什麼不可以用棉花棒吸水?

耳仔入水,一般都只會停留喺外耳道,唔會滲透入中耳。而媽媽拎棉花棒幫小朋友吸水嘅時候,有可能將水越推越深,推埋入中耳,造成中耳積水,而積水就好容易引發中耳炎。


兒童中耳炎的危害

1) 面癱,面神經離中耳腔好近,一旦有損傷,就會引起口眼歪斜。

2) 迷路炎,如果炎症向內發展,進入內耳會引起迷路炎,導致眩暈噁心、嘔吐等症狀。

3) 顱內併發症則包括腦膜炎、腦膜外膿腫及腦膿腫。無論出現邊一種情況,都會有生命危險。

4) 各種膿腫,如耳後骨膜下膿腫、顳肌下膿腫、外耳道後壁膿腫等。如果處理不及時,膿腫向頸部擴散,引起頸部轉動時疼痛,嚴重時會有可能破壞頸部大血管,導致死亡。


應該如何幫小朋友清理外耳的水?

寶寶沖涼後媽媽可以使用小棉花球放在外耳道2~3分鐘,當小朋友顎高頭或者轉頭時,棉花就會將外耳道入面嘅水吸出來。呢個方法一定要喺沖涼後儘快進行。如果耳仔積水冇及時清理,耳垢會被泡發堵塞住耳道,到時無法自行清理乾淨,就要帶小朋友到醫院搵醫生進行清理。

網上有人話當水流入寶寶耳仔,應該立即將寶寶頭部向入水嗰邊傾斜,其實呢個做法都係錯誤,因為多數都唔會淨係一邊耳仔入水。

資料來源:每日頭條

相關文章