【不想女兒遇到渣男?】爸爸要做到這3點

每個爸爸都希望自己嘅寶貝女,長大後可以遇到一個好男人,過住幸福美滿嘅生活。但現今社會,擇偶對於女孩子嚟講,真係唔係隨緣咁簡單,而係一種能力嘅表現。呢種能力,從佢一出世開始就受到家人影響,其中最重要嘅人,就係女孩嘅父親。

如果你唔希望自己嘅小公主以後遇到渣男,作為爸爸嘅你,就要喺女兒童年早期儘量做到以下3點。

給女兒高質的陪伴,不缺乏父愛很重要
寶寶大概喺八週大左右,就可以分出男性同女性。到咗大概2個月大,就會學識點樣同不同性別嘅人相處,所以爸爸們要注意,唔好以為寶寶仲細,所以就陪唔陪佢都無所謂。而且同爸爸關係親密嘅女兒,更能夠解決問題,會比較有自信,好少會出現焦慮嘅情況,而缺乏父愛嘅女兒,往往都會出現早戀嘅情況,容易睇漏眼,遇到「渣男」。

要不定時的讚美鼓勵女兒
作為男人嘅你,係咪經常都會聽到呢句說話:追你嗰陣就乜都得,結咗婚就咩都變晒。咁點解仲會有咁多女孩被矇蔽雙眼呢?大概就係因為之前冇被異性「優待」過嘅經驗!從小就感受到滿滿父愛嘅女孩子,一早就習慣咗異性嘅「甜言蜜語」,久而久之,女兒就會知道真正愛佢嘅男人應該係點。

要更加疼愛你的妻子
一位爸爸去探望已出嫁嘅女兒,見到女兒放工返到屋企,仲要洗衫、煮飯、打掃,而佢老公就坐喺梳化玩手機,都會覺得好心酸,但自己年輕時又可何嘗唔係同女婿一樣?所以一個家庭嘅婚姻,真係會影響孩子一生,太大男人主義只會令到女兒從小就認為咁樣做係必然,所以一定要善待自己嘅妻子,先能夠灌輸女兒正確觀念。

資料來源:頭條森林

相關文章