【預防嬰兒猝死症】嬰兒勿趴睡

嬰兒睡夢中猝死嘅事件時有發生,寶寶睡姿唔正確係重要原因,未夠四個月大嘅嬰兒應該儘量避免趴睡,以免導致寶寶窒息而猝死。

趴睡是嬰兒猝死症重要原因
好多家長認為,嬰兒趴睡,可以避免寶寶頭型出現扁頭。近年有好多研究顯示,趴睡係導致嬰兒發生猝死嘅重要原因。歐美國家早期都流行嬰兒趴睡,結果發生咗好多嬰兒因為趴睡而猝死嘅個案,所以歐美兒科醫學會亦都建議唔好畀嬰兒趴睡。 有研究指出,嬰兒仰睡比趴睡安全六倍,而比側睡安全一倍。

營造安全嬰兒睡眠環境
1) 一歲以下嘅嬰兒,應該同父母同房,但唔可以同床。嬰兒應該瞓自己嘅嬰兒床。
2) 床鋪要堅實,唔可以過軟。
3) 嬰兒床上不宜放置鬆軟物件,例如:枕頭,絨毛玩具,枕頭等等。
4) 嬰兒不宜配戴平安符,頸鏈等可能會勒住嬰兒頸部嘅物件。
5) 睡眠環境不宜過熱,最適合嘅溫度係攝氏22~26度之間。
6) 睡眠環境應該避免有二手煙與三手煙。

注意事項:
1) 嬰兒睡眠時,應該維持仰睡嘅姿勢,趴睡同側睡都唔安全。
2) 嬰兒睡眠時切勿覆蓋頭面。
3) 睡眠時,可以考慮用奶嘴,減少嬰兒猝死症發生嘅機會。

資料來源:白袍旅人

相關文章